Inter Village Volleyball: Inelna a hmuhnawm chhunzawm

Mizoram Volleyball Association (MVA) buatsaih - GIG Motors Inter Village Volleyball Tournament 2025 chu khelh chhunzawm zel a ni a, vawiin hian R. Dengṭhuama Indoor Stadium, Mualpuiah khelh chhunzawm leh a ni dawn.

Thutak Nunpuitu Team (TNT) awmna Muanna Veng chuan Lungdai an hmachhawn dawn a, an match hmasa lama Chanmari West hneh thei Saitual VC-I leh Chhinga Veng inkhel tur pawh a hmuhnawm ang.

Nimin inkhelah, thingtlang team hmuhnawm zinga mi Vanbawng zinkawng a tawp, an hma a ding Hunthar lakah 3-0 in an chak lo. Hunthar hi volleyball thiam veng an ni a, ram pum huap inelnaah pawh sulhnu an nei ṭha hle.