Volleyball inelna lian a hnai

Mizoram Volleyball Association (MVA) buatsaih - VC/LC Volleyball Tournament 2025 khelh hun a hnai a, tel tum tan September 25, Ningani thleng hming pek luh theih a la ni.

Ruahman dan chuan, inelna hi Ocotober 1-10 chhungin R. Dengṭhuama Indoor Stadium, Mualpuiah khelh tur a ni dawn a, mahni veng/khua mal chauhin tel theih a ni dawn; joint anga tel phal a ni dawn lo. Veng/khua volleyball thiam ber chu a hriat thui dawn tihna a ni.

Player-ten an vote neihna hmunah an khel tur a ni dawn a, vote la nei lo te chu aashar hmanga endik tur an ni ang. Inkhelh hun apianguin ID/aadhar card ken zel tur a ni a, keng lo tan khelh theih a ni dawn lo - vote neihna hi kum 2025 January 1 hnu lama sawn te pawm a ni dawn lo bawk.