Sindhu chak laiin Lakshya a tla

Badminton inelna China Masters Super 750 khelh laiah PV Sindhu chuan a match hmasa berah hnehna a chang a, hetih lai hian mipa inelna lamah Lakshya Sen erawh hneh nei loin a zinkawng a tawp nghal.

Olympic medal vawi hnih la tawh Sindhu hian harsatna lian tham a tawk lo, minute 27 chhung lekin Julie Dawall Jakobsen chu 21-4, 21-10 in a hneh a, hmanni lawka Hong Kong Open a khelh ai chuan tun ṭumah hian a che ṭha zawk phawt tihna a ni.

Mipa singles lamah Lakshya Sen erawh Toma Junior Popov lakah 21-11, 21-10 in a tlawm, darkar chanve an inhmachhawn chhungin game a la ve lo a, hneh nei loin a zinkawng a tawp. Ayush Shetty-a pawhin Chou Tien Chen chu 19-21, 21-12, 16-21 in a ngam lo bawk.

Doubles huangah Satwiksairaj Rankireddy leh Chirag Shetty te erawh an chak - Indian tlangval pahnih inkawp hian Malaysian duo Junaidi Arif leh Roy King Yap te ṭangdun chu minute 42 chhungin 24-22, 21-13 in an hneh.