Asia Cup-ah Bangladesh-in Afghanistan an hneh

Asia Cup-ah Bangladesh-in Super Four beiseina chhi nung turin Thawhlehni zan khan Afghanistan chu run riatin an hneh. Bangladesh hian over 20-ah 154/5 runs an siam a, Afghanistan hian over 20-ah 146 runs siamin an thi fai vek.

Zanin dar 8:00 hian Sri Lanka leh Afghanistan an inkhel dawn a, Lions hi an chak a nih chuan Bangladesh hian Super Four an lut thei ang. Group B-ah Sri Lanka (NRR +1.546) leh Bangladesh (-0.270) ten point li ve ve an hmu tawh a, Afghanistan-in (+2.150) point hnih chauh an hmu. Chutihrualin Afghanistan hi an NRR a ṭha a, Sri Lanka an hneh hrim hrim chuan Super Four an lut ang.