Australia-ah Nadal leh Djokovic

Australian Open buatsaihtu lamin player ṭha zawng zawng inlan ngei se an duh a, inelna tak thlen hmain player langsar zual tan Adelaide-ah inkhelhna tur hun an siamsak dawn.

Ruahman lawk dan chuan Australian Open hi January thla chhunga khelh tur a ni. Mahse coronavirus vangin a hun pangngaiah an khel thei dawn lo a, February 8-21 chhungin Melbourne Park-ah an khel ang.

Tennis Australia chief executive Craig Tiley chuan, "Australia chhim lam bialtu sorkar nen kan inbia a, anni hian player 50 zet chu hun rei tak chhung min thlensak thei dawn. Chutih rualin player-te hi an rawn kal duh vek ang em tih hriat a la ni lo.

"Melbourne khawpuia inkhelh hmain exhibition match khelh tur a awm a nih chuan an hlawkpui ngei dawn a, hei vang hian an rawn kal duh chu kan ring," a ti. Australia ramah hian ram dang aṭanga zin lutte chu ni 14 chhung khunghran an ngai.