India U17 inlan dawn

SAFF Under-17 Championship khel tur India U17 chu vawiin hian an inlan nghal dawn a, tlai dar 3:00-ah Maldives nen an inkhel ang. India hian Inrinni khan inelna tur hmun Sri Lanka an thleng tawh a, Bibiano Fernandes enkawl team-ah hian Mizo rawlthar pakhat a tel ve.

Mizo tel hi defender niin, R. Lawmsangzuala a ni. India squad-a tel tur zawnna, trial hi July aṭang khan neih ṭan tawh niin, India naupangte hian thla hnih zet Goa-ah training an nei tawh.

SAFF hi chu November-a khelh tur AFC Under-17 Asian Cup 2026 qualifier inbuatsaihna chi khat a ni a, Maldvies bakah Bhutan leh Pakistan an hmachhawn dawn bawk a, an group-a a sang pahnihah an tel chuan semifinal an lut ang.