Chanmari FC = Saikhamakawn FC

GIG Motors MPL12-ah nimin khan Chanmari FC leh Saikhamakawn FC te an inkhel a, 2-2 in an inhnehtawk. I League club hian Lalruatsanga leh Aron Vanlalrinchhana te goal hmangin ṭum hnih hma hruai mah se Lalsangzuala Hmar hoten Lalropuia leh Emanuel Lalhruaizela te hmangin an sut ve ve.

I Day Football final rematch a nung ṭha a, inkhelh hmuhnawmna belhchhah turin Saikhamakawn ṭantuten thawm an nei ṭha bawk. Minute hnihna lekah RS-a'n corner kick aṭangin a tauh lut a, SKK-in first half tawp hma hretin Ropuia hmangin an sut.

Second half-ah inkhel boruak a thi deuh a, mah se Aron-a'n player ṭha danglamna lantirin goal mawi bik minute 73-naah a khung. Coach Lalsangzuala Hmar hote tlawm an tum lo a, substitute Emma chuan 86-naah si phurh a sut.

Chanmariin 2-1 a hma an hruai laiin coach Rochhingpuia'n goal venhim tumin Lalrinchhana Tochhawng a luhtir a, centre back pathum dah mah se substituion a fuh tawk lo - Chanmari captain ball clear theih loh vanga goal-ah a ngaih theih. I League club an chak zo lo a, MPL12 a ngaihnawm chho zel.