Remsiami ten silver medal

Women’s Asia Cup 2025 khelh zawh takah Lalremsiami Hmar telna India hmeichhe hockey team chuan silver medal an dawng, final hmuhnawm takah India hian China chu 4-1 in an hneh lo.

Hangzhou, China-a inelna neihah India tan Remsiami a ṭangkai thei hle a, final an luh theih nan hian goal thum khungin team innghahna a tling, an duh ang takin champion phak ta lo mah se India thlen chin hi a sang.

Mizo nula Remsiami chuan, "Asia Cup silver medal la thei tura Pathian min hruaina, a malsawmna ka dawn zawng zawngah hian ka van lawm em. Kan duhthusam tak medal hlawh chhuak zo lo mah ila, Pathianin hun a tihah kan la hlawh chhuak ve ngei ang.

"Mizo mipui te, min thlawpna leh kan team tan a min lo ṭawngṭaipui ṭhinna zawng zawngah thinlung takin lawm thu ka sawi. Engkim hi Pathian ropui nan ni rawh se," a ti.