UCL atan Mbappe a inpeih

Kylian Mbappe khan Paris Saint Germain tan hlawhtlinna hrang hrang a chang a, mahse Chanpions League nomawi a hlawh chhuak zo lo - UCL champion nih duhin Real Madrid a pan a nih kha.

Spanish club ropui tan hian season hamsa khan UCL title chu a hlawh chhuak nghal mai bik lo, kuminah thapui an thawh leh dawn. Zanin dar 12:30 hian a bul ṭan nan Marseille an lo mikhual dawn a ni.

France captain Mbappe tan Marseille hi hmel thar an ni dawn lo, tun hma lama a lo hmachhawn fo tawh an nih avangin khelh dan tur a hre dawn, Ligue 1 club tan ven pawh a harsa hlein a rinawm.

Kum 26 mi Mbappe hian season hmasa khan Real Madrid tan inelna hrang hrangah goal 44 a khung nghal a, mahse a duh tak nomawi a hlawh chhuak lo, tun season pawh bul ṭan fuh lehin match li aṭangin goal li a khung leh tawh a, hlawhtling thei turin a inpeih hle.