All India Chess Federation-ah Mizo

All India Chess Federation (AICF) chuan January 4, Thawhṭanni khan hruaitu thlanna a nei a, Mizoram Chess Association-a Senior Vice President ni lai PC Lallianthanga chu Vice President atan thlan tlin a ni.

AICF President atan hian Dr. Sanjay Kapoor, Uttar Pradesh mi chu thlan tlin a ni a, Hon. Secretary-ah Delhi mi Bharat Singh Chauhan leh Treasurer atan Naresh Sarma, Haryana mi te chu thlan tlin an ni bawk. Hruaitu thar te hian 2021-2024 chhung hruaitu hna hi an chelh ang.

PC Lallianthanga hi MPRO-ah Sr. SP hna chelh lai mek a ni a, Tuivamitah an chhungkuain an cheng. Khawvel huapa India lan phakna game leh Federation lian ber pakhata hruaitu a ni thei hi a chhuanawm hle.