Mabiaa a khel dawn lo

I League-a Mohammedan hruai thlengtu Vanlalbiaa Chhangte chu vawiin tlai dar 2:00-a Kolkata club-in an match hmasa bera Sudeva an hmachhawn hunah a inlan thei dawn lo.

December thlaa IFA Shield an kheh zawh hnuin Hriangtlang tlangval Mabiaa hian Covid-19 a vei a, hemi a nih avang hian Mohammedan-in squad-ah an telh lo.

Amaherawhchu Mabiaa hian Covid-19 a vei leh tawh lo a, nimin khan squad-ah telh a nih tur thu an hrilh. Chanmari West leh Chanmari FC player hlui Mabiaa chuan, "Covid-19 ka

positive avangin team zingah ka awm lo a, hotel hranah ka la awm. Ka negative hnuah kar khat a liam leh tawh a, squad ka la zawm loh avangin Sudeva nen chuan ka khel thei dawn lo," tiin Vanglaini an hrilh.

Mohammedan hian I League khel turin Hero I-League Qualifiers 2020-ah an champion a, Mabiaa hi player pawimawh a ni. Hriangtlang tlangval hian an elpui ber Bhawanipore nen an inkhelh ṭumin goal hmahruai a khung a, 2-0 in hnehna an chang.