Onana a chhuak dawn?

Manchester United goalkeeper André Onana chuan loan hmangin Trabzonspor a zawm dawn - Turkish club nen hian a thuphungin an inrem tawh a, thu a ziah fel an la hmabak thung.

Premier League club tan nipui bazar a tawp tawh, mahse Turkey ramah erawh tun kartawp Zirtawpni thleng hian player lakluh theih a la ni thung. Onana hian inkhelh tam theihna tur hmun nia a hriat a pan a ngai dawn a ni.

Man United manager Ruben Amorim-a'n Onana aiin Altay Bayindir a ring zawk a, ani bakah hiann Royal Antwerp aṭangin Senne Lammens chu an la tawh bawk - Tom Heaton an la neih bawk avangin Amorim tan duhthlan tur an tam.

Onana hian Cameroon tan African Cup of Nations a khelh ngei a rinawm a, ram leh ram inelna hi December 21 aṭanga January 18 thleng an khelh dawn avangin Man United aṭangin a chhuak emaw, a chhuak lo emaw pawh ni se club thar thla khat bawr chu a chhawr theih dawn loh a ni.