Tla mah se Djokovic beidawng lo!

US Open 2025 semifinal-ah Novak Djokovic chuan Carlos Alcaraz a hneh lo - Serbian star hian final lut phak lo mah se atan Grand Slam title lak theihna kawng a bo vek tihna a la ni bik lo niin a sawi.

Djokovic hnehin Alcaraz leh Jannik Sinner ten nizan zanlai khan final an khel a, result erawh kan hre hman lo - world number 1 Sinner hian semifinal inkhel dangah Felix Auger-Aliassime chu 6-1, 3-6, 6-3, 6-4 in a lo hneh ve thung.

Season hmasa khan Alcaraz leh Sinner ten Grand Slam pali chu pahnih ve ve in an insem. Tun season kal laiah pawh Alcaraz-a'n French Open laiin Sinner hian Australian Open leh Wimbledon title a la bawk.

US Open champion zawk hre hman lo mah ila, tunlai player ṭha pahnih hian nikum ang bawkin major title pali chu an insem zo leh vek tih a chiang a, midang tan hmun an kian lo - tawnhriat ngah Djokovic erawh a la beidawng bik lo thung.

Grand Slam vawi 24 champion tawh Djokovic chuan, "Grand Slam khelh leh ngei ka la duh, a theih phawt chuan nakkumah pawh major tournament pali hi khelh ka la duh," a ti. Kum 38 mi ni tawh mah se tawp mai a la tum lo.