Bournemouth winger thar Adli

Premier League club Bournemouth chuan Bayer Leverkusen aṭangin Amine Adli an la lut, German club atanga Adli an leina hi pound maktaduai 25.1 thlenga sang chho thei tur a ni ang.

Kum 25 mi Adli hian season nga daih contract a ziak a, tun nipui chhunga Cherries player lakluh pasarihna a ni ta chiah a, team ṭha lehzual zawk nih tumin ṭan an la nasa hle.

Morocco international Adli hi mual sir vei lama khel chi a ni a, chutihrualin mamawh hunah chuan number 10 atan pawh hman theih a ni bawk a, a khelhna a thlaksak theih tihna a ni.

Adli hian tawnhriat a nei ṭha, kum 2023-24 season khan Xabi Alonso enkawlna hnuaiah Bundesliga leh German Cup an la a, hemi seasason hian match 42 aṭangin goal 10 a khung bakah assist vawi 12 a nei bawk.

Bournemouth hi a neitu, American billionaire Bill Foley hoin an che na hle - ani thuneihna hnuaiah hian player lei nan pound maktaduai 350 barw vel an hmang tawh hial a ni.

Hetihlai hian an player ṭha Milos Kerkez, Dean Huijsen leh Illia Zabarnyi te chu Liverpool, Real Madrid leh Paris Saint Germain te lakah an chân thung a ni.

Bournemouth hian Premier League season thar an match hmasa berah Liverpool chu 4-2 in an ngam lo - Inrinni zan dar 7:30 hian Wolves an mikhual leh ang.