Mizoram karate team an feh chhuak

India ram huap inelna - All India National Karate Championship 2025 chu August 25-27 chhungin khelh a ni dawn a, inelna hmachhawn tur hian All Mizoram Karate Association (AMKA) chuan infiammi 27 a tir chhuak.

Mizoram team hi Mizoram State Sports Council bul tuma feh chhuak an ni a, inelna hi Haryana-ah neih niin infiammi bakah official mi pali an kal tel bawk.

June-ah khan Mizoram karate player turte thlanna hun neih a ni a, chuta ṭanga thlan chhuahte chuan Tuikual South Dojo leh Ramhlun Indoor Stadium-ah ngawrh takin training an nei. AMKA president R. Zomawia chuan an player-ten thla thum dawn ngawrh taka inbuatsaihna an neih theih avangin an lakah beisei an nei sang tih a sawi a, medal eng emaw zat an hlawh chhuah theih a beisei thu a sawi bawk.

Mizoram Karate team hian nimin khan Aizawl an chuahsan a, ruahman dan chuan August 29-ah an lo haw leh ang. Lalramthara, AMKA general secretary leh Lalnunziri, AMKA executive member ten an hruai a ni.