Zaninah Durand Cup semifinal : Diamond Harbour Vs East Bengal

Durand Cup semifinal-ah zanin dar 7:00 hian I League kai thar Diamond Harbour-in ISL club East Bengal te Salt Lake Stadium-ah an inkhel dawn a, team pahnihah hian Mizo player-te an pawimawh ve ve.

Diamond Habour-in semifinal-ah ISL club Jamshedpur chu 2-0 in an hneh a, goal hnih hi Mizo tlangval Sairuatkima khung ve ve a ni. Inkhelah hian Lalliansanga Renthlei, Paul Ramfangzauva leh Samuel Lalmuanpuia ten bul an ṭan a, bench-ah R. Ramdinthara (Tharpuia) a awm. Antonio Vicuna hote hi I League club ni mah se sum an hman tam avangin an tawh a khirh dawn. Mizo player zingah pawh squad-a awm pha lo an awm nual a ni.

East Bengal-in semifinal lut turin an hmelma Mohun Bagan 2-1 in an hneh a, ISL club danglamna chu foreigner ṭha an kawl. Quarterfinal-ah pawh Greek striker Dimitrios Diamantakos-a'n goal hnih a khung. Kolkata club-ah hian Lalchungnunga, Edmund Lalrindika leh Mark Zothanpuia te an awm a, chak tura rinkai zawk an ni.