Number 1 Sabalenka hnehtu Rybakina

Cincinnati Open khelh laia hmeichhe inelna huangah, world number 1 Aryna Sabalenka chu Elena Rybakina lakah 6-1, 6-4 in a chak lo a, nomawi a kawl lai chu a humhim thei dawn ta lo a ni.

Wimbledon 2022 champion Rybakina hian Sabalenka hi a ngam angreng hle, vawi 12 an intawn tawhnaah ṭum nga hnehna a chang ve thei a, thla hnih liamta maia Berlin khawpuia a ngam loh hnuah a hneh ve leh ta chiah bawk.

Rybakina chuan, "Ka service a ṭha em em a, chu chuan kawng min sialsak nasa hle. Ka vanneihna ti zual turin, nidang zawng aiin Aryna khan a service ṭha lo thung, a chet fuh lohna kha ka lo chhawr ṭangkai a ni," tiin a sawi.

Quarterfinal inkhel dangah Iga Swiatek chuan Anna Kalinskaya 6-3, 6-4 in a hneh ve bawk - Polish star Swiatek leh Rybakina te hian nizan khan final luh an inchuh zui leh nghal a, result erawh kan hre hman ta lo a ni.