AIFF Futsal C'ship final-ah Bhawanipore vs Goal Hunterz

AIFF Futsal Club Championship 2024-25 final-ah champion tura rinkai Bhawanipore leh Goal Hunterz FC te vawiin hian an inkhel dawn. Inelna hi Shri Manoj Sarkar Stadium, Rudrapur, Uttarakhand-ah neih a ni.

Semifinal hi Inrinni khan khelh a ni a, Delhi club Goal Hunterz hian final lut turin champion lai Corbett FC chu 5-3 in an hneh. Goal Hunterz tana goal khungtu zingah Mizo tlangval Lalmuansanga Sailung a tel a, Corbett tana goal khungtu chu Mizo vek niin Malsawmtluanga Pautu, Rony C Lalenkima leh PC Lalremruata ten goal khat ṭheuh an khung.

Bhawanipore-in final lut turin harsatna an tawk lo a, TOFA chu 7-0 ngawtin an sawp. Kolkata club tan Jayesh Sutar-a'n hattrick a siam bakah David Laltlansanga'n goal hnih a khung a, Laltluangzela leh Nikhil Mali te goal khat ve ve an khung bawk.