Dintharin jersey an tlangzarh

MPL champion hmasa ber Dinthar FC chuan August 15, Zirtawpni zan khan Dinthar Branch YMA Committee room-ah MPL12 atana an jersey tur chu AMC deputy mayor R. Thanglura'n a tlangzarh.

Dinthar hi Mizo club hlun ber zinga mi an ni a, MPL ṭan hmain kum 2005 khan I Day Football-ah champion tawhin kum 2014 khan I Day Football-ah an champion leh bawk.

MPL6 (2017–18 season) khan MPL aṭangin an relegate a, tun season-ah MPL khel turin an rawn kir. Coach atan an player hlui Laldampuia an lalut a, MPL hmasa ber champion ṭuma best player R. Laldanmawia bakah MPL1 top scorer leh MPL2 leh MPL7 best forward MS Dawngliana te lalutin tualchhung football boruak a tinung thar hle.