45th Robula Chess Trophy a hlawhtling

Mizorama chess inelna ngaihhlut 45th Robula Chess Trophy, 2025 chu August 14-16, 2025 chhung khan Ramhlun Indoor Stadium, Aizawlah khelh a ni. Kulikawn tlangval Johnson Zoremthara Chhangte chu inelna ngaihhlut hlawh ber open category-ah pakhatna a ni.

Inelna hmachhawn tur hian Mizoram district hrang hrang bakah state pawn aṭang tein an rawn kal a, Chess khel ṭhin mi 85-in inelna hi an hmachhawn. Mizoram Chess Association (MCA) buatsaih inelna hi hi FIDE Rapid Rating Tournament niin Swiss System hmanga round 9 khelh a ni.

Tournament director-ah MCA president Er. Lalchhuana hman a ni a, arbiter atan Anupam Bhattacharjee (International Arbiter) hman a ni bawk.