Chhinga hoin Chanmari FC an champion

I League club Chanmari FC-in August 15, Zirtawpni zan khan MPL kaihthar Saikhamakawn 1-0 a hnehin I Day Football 2025-ah an champion. Tualchhung football club ropui ber zinga mi Chanmari meuh tan pawh nomawi chawi a awlsam lo a, tun ṭum hi MPL5-a (December 16, 2016) hnua nomawi an chawi lehna chauh a ni a, I Day Football phei chu an vawi hnih champion-na chauh niin kum 2013 hnuah an champion a, kum 10 chuang a ral tawh. Khuallian leh MFA president hmasa ber Lal Thanhawla'n Chanmari captain Lalrinchhana Tochhawng hnenah nomawi a hlan a ni.