Villa striker thar tur Guessand

Aston Villa chuan Evann Guessand an lei dawn - Premier League club hian Nice aṭanga striker Guessand la tur hian pound maktaduai 26 an seng dawn a, a man zat hi pound maktaduai 4.3 danga sang chho leh tur a ni ang.

Kum 24 mi Guessand hian season hmasa khan goal 12 a khung a, a club hi Ligue 1-ah palina a nihpui. Ruahman dan chuan Ivory Coast forward hian nizan khan Villa zawm tur hian medical test a nei ang, chanchinbu i chhiar meuh chuan inremna an ziak fel tawhin a rinawm.

Guessand hi Crystal Palace pawhin an ngaihven a ni a, mahse Villa Park lamah a kal ta zawk. Villa hian nipui bazarah player langsar an lak hmasak ber a ni, ani hma hian defender Yasin Ozcan leh back-up goalkeeper Marco Bizot te an la tawh bawk.

Kumin Janaury khan Jhon Duran-a'n Villa hi a chhuahsan a, a hmun ruak hnawh khat tur an la mai lo; loan hmangin Marcus Rashford an hawh a, ani hian Barcelona a pan leh ta zawk, tunah chuan Ollie Watkins elpui tur an nei leh ta chiah a ni.

Villa hian season hmasa Premier League kha an khel ṭha pangngai viau, parukna dinhmun an luah - season thar an league match hmasa ber atan August 16, Inrinni zanah Newcastle United an hmachhawn ang.