Sub-Junior Aquatic-ah Mizo tel

41st Sub Junior National Aquatic Championships 2025-ah Mizoram aṭangin swimmer pangain inelna an hmachhawn a, medal erawh an hawn thei lo.

Bangalore, Karnataka-a neih inelnaah hian India ram state 20 chuang aṭangin tuihleuh thiam an fuan khawm a, August 4 & 5-ah khan inelna hi neih a ni.

Mizo naupang tuihleuh thiamte hi mimal anga inelna an hmachhawn piah lamah, freestyle relay leh medley relay-ah girls team angin an inlan bawk - he inelna huang bika Mizoram an tel vawi khatna a ni a, swimming lamah Mizoram hmasawnna hmuh tur a awm chho zel.