
Marseille-ah Aubameyang a kir
Arsenal striker hlui Pierre-Emerick Aubameyang chuan tun hma lama a lo khelh tawhna Marseille a zawm - Gabonese striker hian Al-Qadsiah a chhuahsan avangin Ligue 1 club hi man nei loin a zawm.
Kum 36 mi Auba hian Chelsea aṭangin Marseille a zawm a, chumi hnuah Saudo Pro League club a zawm; Al-Qadsiah tan season khat a khelh hnuah Ligue 1 club-ah bawk a kir a, kum 2027 thleng daih contract a ziak.
Aubameyang hian season hmasa khan inelna hrang hrangah goal 21 a la khung thei a, a vanglai pel deuh tawh mah se goal khung a la thei reng. 2023-24 season khan Marseille tan match 51 aṭangin goal 30 a khung bakah a ṭhiante khung tur vawi 11 a siamsak, a lakah beisei an la nei sang ang.