Marchand chungnung ber

World record thar a siam hnuah Leon Marchand chuan hnehna a chang zui a, a phu ang ngeiin World Aquatics Championship neih laiah 200m medley title a la.

Kum 23 mi Marchand hian final-ah second 53.68 chhungin a hleuh thleng a, a hnungah Shaine Casas (1:54.30) awmin, Hubert Kos (1:55.34) leh Duncan Scott (1:56.32) ten an dawt a ni.

French star Leon Marchand chuan, "Semifinal kan hleuh zawh khan ka hlim lutuk a, ka muhil thei mai lo. Chuvangin final kan hleuh khan a hma lam ka phak lo deuh, mahse ka dinhmunah erawh ka lungawi," tiin a sawi.

World Aquatics Championship neih laiah, semifinal an hleuh ṭumin Leon Marchand hian 200m medley huangah world record thar a siam tawh - tun hma lama Ryan Lochte-a'n record a lo siam tawh chu a rawn khum.

Singapore-a inelna neihah Marchand hian second 52.69 chhungin a hleuh thleng a, kum 2011-a Lochte-a'n record a lo siam tawh (1:54.00) chu a khum chiang viau a, midang tan khum leh mai harsa tawh tak turin record hi a siam a, final-ah gold medal a hleuh chhuak zui leh bawk.