Number 7 ha tur Wirtz

Liverpool chuan nimin khan an jersey thar tur tlangzarhin, player tharte number hak tur an puang nghal bawk a, pound maktaduai 116 thlenga a man sang chho thei tur Florian Wirtz chuan jersey number 7 a ha dawn.

Wirtz hian Bayer Leverkusen-ah khan number 10 a ha ṭhin a, mahse, Liverpool-ah chuan Alexis Mac Allister-a'n number 10 hi a lo ha sa - hei vang hian Reds-a jersey number hlu tak tho, Luis Diaz-a kalsan tak number 7 chu Wirtz hian a ha ang.

Liverpool left back thar Milos Kerkez chuan number 6 a ha dawn a, right back Jeremie Frimpong-a'n number 30 a ha thung ang. Striker thar Hugo Ekitike chuan number 22 a ha ang a, Alisson-a thachhang dawltu tur Giorgi Mamardashvili chuan number 25 a ha dawn.

Reds keeper thar dang, Freddie Woodman (No.28) leh Armin Pecsi (No.41) te pawh an number hak tur a chian loh reng hnuah a chiang ta a, hetihlai hian Conor Bradley chuan number 84 a hak ṭhin chu 12-ah thlakin, Trey Nyoni pawhin number 98 kalsanin, 42 a ha tawh ang.

Liverpool hian season thar aṭang chuan adidas siam kawr an ha tawh dawn a, kum 10 chhung an thawk dun dawn. Reds hian 1985 - 1996 leh 2006 - 2012 inkar khan adidas siam kawr an lo ha tawh ṭhin.