LEL2025 Endurance Cycling-ah Tekawka

Thirsakawr inelna hautak London-Edinburgh-London 2025-ah Mizo pa Lalrinfela (Tekawka) a tel dawn a; August 3, Pathianni aṭangin tlan ṭan tur a ni. Inelna hi kum thum dana neih ṭhin a ni a, Tekawka hi Mizo zinga tel hmasa ber a ni.

LEL2025 hi 1560km a thui tlan tur a ni a, London aṭanga tlan ṭanin Edinburgh, Scotland-ah kualin London-ah vek an let leh dawn a, darkar 120 chhung hun pek niin puitu neih phal a ni lo.

Khawvel hram hrang hrang atangin thirsakawr khalh mi 2400 vel an tel dawn a, sik leh sa inthlak nasa leh kawng chhuk chho avang hian tlan kawng hi a hautak dawn. Mizoram aṭanga tel tur Tekawka hi Ramhlun Venglai pa a ni a, Mizoram Cycling Association (MiCA) executive member ni lai a ni a, MiCA General Secretary pawh a lo ni tawh a ni.