Ferrari Principal tan contract thar

Frederic Vasseur chu Ferrari team principal a ni chhunzawm zel dawn, inremna an neih hmasa kha kumin tawp ruala zo tur ni mah se kum khat aia rei zawk atan an pawtsei fel leh tawh a ni.

Kum 57 mi Frederic Vasseur hian 2023 khan Ferrari hi a zawm a, a contract thar rei zawng hi chiang taka ziah ni lo mah se season kat aia rei zawk tih a ni.

Ferrari chief executive officer Benedetto Vigna chuan, "Team tana a hna thawh leh hmathlir te hi a ṭha em em a, a bul ṭhut aṭanga thil tih duh mi a ni, a kaihhruaina hnuaiah nasa lehzual zawka hma kan sawn theih kan beisei," tiin a sawi.

Ferrari hian an duhthusam ang tak an la thleng leh rih lo a ni mai thei, mahse F1 season kal laiah pahnihna dinhmun an luah mek; an chungah hmahruaitu McLaren chauh an awm a, nikum lam nena khaikhin chuan an che ṭha rih hle.