Vawiin aṭangin CYMA Futsal 2025

LBS Suzuki 1st Inter Branch YMA Futsal Tournament 2025 chu vawiin chawhma dar 10:00 aṭangin R. Dengṭhuama Stadium, Mualpuiah khelh ṭan a ni dawn. Match hmasa berah Chanmari West leh Falkawn te vawiin chawhma dar 10:00-ah an inkhel ang a, ni khatah match 10 a awm ṭhin dawn.

Inelna pet hawnna leh fixture tlangzarhna hi Central YMA Hall, Tuikhuahtlangah neih a ni a, LBS Suzuki aiawh R. Lalnunfela'n a pen hawnna hi a nei a ni. Tun inelnaah hian slogan atan 'ruihhlo do la, i hnam chhan rawh' tih chu hman a ni bawk.

YMA inkhawmpui lianin a lo rel tawh angin hmankhat daih plastic ten bawlhhlawh tam tak min siamsak avang leh kan environment nasa taka a tihchhiat mek zel avangin, tun ṭum inelnaah hian hman khat daih tui um ken luh phal a ni dawn lo. Branch tin ten mahni tui um pai tur a ni a, tui hi bur khat (20 ltrs) Rs 200 man lei tur a awm ang.