Bournemouth keeper thar Petrovic

Premier League club Bournemouth chuan goalkeeper Djordje Petrovic chu an la fel ta a, Chelsea aṭanga lei chhuak tur hian pound maktaduai 25 an seng - season nga daih inremna an ziak a ni.

Petrovic hian kum 2023 khan New England Revolution aṭangin Chelsea hi a zawm, khatih laia a man zat chu pound maktaduai 14 a ni - Blues tan rinrawl a ni chhunzawm reng phak lo a, season hmasa kha chuan loan hmangin French club Strasbourg a zawm.

Strasbourg tan hian a khel ṭha thei hle a, kum 25 mi hi an club player of the year atan an thlang hial - Ligue 1 lamah pasarihna nih puiin season tharah Europa Conference League an khel thei dawn bawk a ni.

Mauricio Pochettino enkawlna hnuaiah kha chuan Petrovic hian rin a hlawh ṭhin, mahse Enzo Maresca enkawlna hnuaiah erawh Robert Sanchez chu rinrawl a ni ta zawk a, season tharah pawh Sanchez bawk hian hmun a chan hmel avangin Petrovic tan a khelh phakna ngaihtuah a ngai.