Indian player an che fuh thei lo

Badminton inelna Japan Open khelh laiah Lakshya Sen a chak lo a, ani bakah hian double huangah Satwiksairaj Rankireddy leh Chirag Shetty te chu an zinkawng a tawp ve nghal bawk.

World number 18 Lakshya hian nghet taka khelh a harsat, tun season chhungin a chet fuh leh chet fuh loh a inchhawk nasa hle. Tun ṭumah pawh hian Kodai Naraoka lakah 19-21, 11-21 in a chak lo, a match hmasa lama Wang Zhengxing a hmachhawn ṭuma a khelh dan a phak lo hle.

Mipa double-ah Satwik leh Chirag te chu Chinese pair Liang Wei Keng leh Wang Chang te lakah 22-24, 14-21 in an chak lo. Olympic silver medal la thei Liang leh Wang te hian India tlangval te hi vawi sarih an hnehna a ni a, ṭum hnih chu an ngam lo ve tawh bawk.

Japan Open khelh laiah hian PV Sindhu chu a match hmasa berah hneh nei loin a lo tla fel tawh bawk. Olympic medal vawi hnih la tawh Sindhu hian tun hma lama a boruak a phak lo ta hle, kumin chhungin tournament panga aṭang ngawtin hneh nei loin a tla tawh a ni.