No 10 ha tur De Bruyne?

Kevin De Bruyne chuan a club thar Napoli tan training a zawm ta a, training a neih ni hmasa berah jersey number 10 a ha! Season thar an hman hunah a ha chhunzawm dawn em, tih chu zawhna lian tak a ni nghal.

Napoli hian Diego Armando Maradona hriatreng nan Jersey No 10 chu midang hak theih loh turin an lo dah tawh a, Argentine legend hian an club tan thil ropui a tihsak a vangin an zah hle, an stadium hming pawh Maradona hming chhawiin an phuah hial.

Naples club-in season thara jersey an hak tur an tlangzarhnaah chuan De Bruyne hian jersey number awm lo a ha, training lai video darhah erawh number 10 a ha thung a, hei hian sawi zui a hlawh phah a ni.

Kum 34 mi De Bruyne hian Manchester City tana hlawhtlinna hrang hrang a chan hnuah Etihad Stadium a chhuahsan a, season tharah chuan Antonio Conte enkawlna hnuaiah Napoli tan a khel dawn.

Conte leh a naute hian Inter Milan lak aṭangin Serie A nomawi an chhuhsak thei a, season tharah pawh an thawm a na dawn - Italian football mai bakah European football thlenga hlawhtlin an tum ngam ang.