CYMA Futsal 2025 Team 116 tel dawn

Central YMA leh Mizoram Football Association ṭangkawpin an buatsaih LBS Suzuki 1st Inter Branch YMA Futsal Tournament 2025-ah team 116 an tel a, inelna hi July 25, 2025 zan dar 8:00 hian CYMA Hall, Tuikhuahtlangah 'Pet Hawnna' neih a ni ang.

July 25, Zirtawpni zan hian fixtures tlangzarh a ni ang a, July 28, Thawhṭanni aṭangin R. Dengṭhuama Stadium, Mualpuiah khelh ṭan a ni ang. Inelna hi knockout-a khelh tur a ni a, futsal inelna hi CYMA leh MFA ṭangkawpin an vawi khat buatsaihna tur a nih avangin seeded a awm dawn lo.

Player endik nan hian voter ID leh ration card hman a ni dawn a, kum la tling lo bikah endik nan aadhaar card leh ration card hman a ni thung dawn. Kum 2006 leh a hnu lama piang chinin aadhaar an hmang thei ang a, kum 2005 leh a hma lama piangah voter ID nei lo an awm a nih chuan inelna an hmachhawn thei dawn lo.

Player endik tur hian Screening Committee din a ni a, anni hian inelna ṭan hmain team 116 te document an lo endik lawk vek ang. Inelnaah hian MFA hrem lai player an khel thei lo ang.