Top scorer Real striker Gonzalo

FIFA Club World Cup 2025-ah Gonzalo Garcia (Real Madrid), Angel Di Maria (Benfica), Serhou Guirassy (Borrusia Dortmund) leh Marcos Leonardo (Al Hilal) ten goal li ṭheuh an khung a, Real Madrid forward chiahin assist neiin top scorer chawimawina a dawng.

Club World Cup-ah hian goal khung zat a inang a nih chuan assist neih zat en tur a ni a, an la inang leh a nih chuan minute khelh zat en tur a ni. Gonzalo hian minute 450 a khel a, goal li khung tho Di Maria-a'n minute 373 chauh a khel. Mahse, Argentine forward Di Maria erawhin assist a nei ve lo a, Gonzalo a tluk ta lo.

Kum 21 mi Gonzalo hian Kylian Mbappe damlohna vangin khelhna hun a nei a; Al Hilal, CF Pachuca, FC Salzburg, Juventus FC leh Borussia Dortmund an hmachhawn ṭumin goal a khung loh pawhin assist a nei a, semifinal-a PSG an hmachhawn ṭumah erawh goal-ah a inrawlh ta lo. Madrid tlangval hi Club World Cup-ah top scorer ni mah se Xabi Alonso hnuaiah khelhna hmun a chang tam ang em, tih erawh a ngaihtuah tham a ni thung.