Chelsea thar dintu Maresca

Chelsea hi neitu thar Todd Boehly player lak dan leh sum hman dan mak tak avangin an insiamṭhat mai a rinawm lo hman a, mah se Enzo Maresca an kawl miau avangin an insiamṭha chu a ni der tawh. Italian manager hnuaiah London club-in Europa Conference League an chawi hnuah a aia inelna lian zawk Club World Cup-ah an champion a, season tharah Champions League an khel dawn bawk.

Blues manager Maresca chuan, "Player-te bulah Club World Cup pawimawhna ka sawi a, nakinah chuan kan la hlut zel dawn bakah hun lo la kal turah chuan Champions League ai pawhin kan la hlut hial ang, tiin ka hrilh," tiin an nomawi chawi hlutna a sawi.

Maresca hian Leicester City chu Premier League-ah a kaipui a, Championship-a a champion pui ṭumin match 53-ah 68% a chakpui. Chelsea a zawm hnuah match 63 khel tawhin 64% a chak a, nomawi pahnih a chawi tawh a, season hnih chhungin nomawi pathum a chawi. Season thar Premier League-ah pawh Maresca kaihhruai Chelsea hian ngaihven an hlawh dawn.