India leh England inhnehtawk

India leh England ten Test match vawi nga an khel dawn a, vawi hnih an khelh tawhah vawi khat ve ve chakin tunah hian vawi thumna an khel mek. Test match vawi thumna hi Lord's-ah khelh mek a ni a, first innings-ah 387 runs siam ve veiin an inhnehtawk.

Second innings hi khelh chhunzawm a ni a, vawiin tlai aṭangin a ni ngana leh a tawp ber an khel dawn. Cricket ngainatuten Lord's lam an thlir dawn a, inkhel hmuhnawm bik chhawp chhuah a ni ang.

England hian vuak hmasak an thlang a, Joe Root-a'n century siamin England-in 387 runs an siam. India tan second Test-a inlan lo Jasprit Bumrah a rawn kir a, wicket nga rawn lain bowler ṭha bik a nihzia a pholang.

India bat hun a thleng a, KL Rahul-a'n century a siam bakah Rishabh Pant (74) leh Ravindra Jadeja (72) ten an belh ṭha. Mahse, tailender lam an che thei lo a, 387 runs an siam tihin an out vek. India leh England te hian July 23-27, 2025 hian Old Trafford Cricket Ground-ah fourth Test an khel ang a, Oval-ah July 31-August 4, 2025 hian Test match hnuhnung ber an khel ang.