Champion thar awm dawn

Iga Swiatek leh Amanda Anisimova ten Wimbledon final an khelh vawi khatna a ni dawn a, grass court inelna lian berah hian champion thar an awm dawn tihna a ni a, thawnthu thar ziah a ni ngei dawn tihna a ni.

Tennis tournament an khelhna hmun a inang lo hle, a bik takin grass court-ah result a danglam nasa. Hmeichhe player zingah phei chuan seeded sang zual panga zinga pali chu second round paltlang zo loin an tla, number 1 Aryna Sabalenka damrei deuh mah se a tlin ta bik lo.

Anisimova tan final boruak a danglam zual dawn - American player chuan, "Iga-i hi player ṭha leh danglam a ni a, a thawhrimna leh a khelh dan hi thui tak chu ka entawn. Final kan khelh tur hi a brouak a danglamin a nuam hle ang tih ka chiang.

"Vannei taka final thleng ka ni a, chutihrualin kawng thui tak ka paltlang avangin tennis match hmuhnawm leh ropui chhawp chhuak turin ka inpeih, kei chuan point tin mai kha nuamti em em in ka khel leh mai dawn a ni," a ti.

Player pahnih te hi tun hmain an la inkhel ngai lo a, an khelh dan pawh an la inhrechiang tawk lutuk lo ang; an intawn vawi khatna tur a nih bakah beisei phak baka Wimbledon khel ṭha thut an nih avangin champion tur sawi lawk a harsa.