Man United-in World Cup 2035 final thlen an beisei

Manchester United chuan stadium star thar sak tumin hma an la mek a, kum 5-6 chhungin zawh hman an tum. English club hian stadium tharah hian 2035 hmeichhe World Cup final thlen theih an inbeisei.

Kumin March thla khan Man United chuan mi nuai khat lenna stadium sak an tum thu an puang a, an puitlin thei a nih chuan kum 115-a upa Old Trafford a thlak ang. An project tihlawhtling tura an sum mamawh zat hi pound tluklehdingawn hnih lai a tling.

2035 hmeichhe World Cup hi England, Scotland, Wales leh Northern Ireland-ah te khelh a ni dawn a, stadium khelhna tur tihfel a la ni lo. Man United chuan World Cup match thlen theih ngei an inbeisei a, final khelhna hmun an nih theih an inbeisei a ni.