SAFF U17-ah Nupuii

Bhutan-a khelh tur SAFF Under-17 Women's Championship 2025 -ah ITI Veng nula Lalhruaizeli Khiangte (Nupuii) chu assistant referee tura ruat a ni.

Thimphu-a khelh tur SAFF U17 Womens Championship 2025-ah hian India aṭangin Nupuii bakah match commissioner leh referee pakhat ve ve ruat an ni bawk.

Mizoram Football Association chuan, "International Competition-a Assistant Referee ni thei kan nei hi Mizoram Football Association chuan kan chhuang hle a, a duty tha taka hlen turin duhsakna sang ber kan hlan e," tiin thuchhuah an siam.