Red Bull-in Horner an ban

Formual 1 team Red Bull chuan an principal Christian Horner chu an ban, kum 20 chhung teh meuh a hna lo chelh tawh chu a kalsan a lo ngai ta tihna a ni.

Kum 51 hian kum 2005 aṭang khan a hna hi a chelh ṭan a, team tan nasa takin hna a thawk. Car intlansiakna sang berah hian a team hi vawi ruk a champion pui a, a kaihhruaina hnuaiah hian driver champion vawi riat ngawt an ni bawk.

Nikum khan Horner hian hmeichhe lamah hmingchhiatna a nei a, team tana hna thawktu hmeichhe chungah mawi lo taka che nia puh a ni. Hemi chungchangah hian Max Verstappen leh a pa chuan an ngaihdan a nih loh thu an lo sawi tawh.

Season hmasa chawhnu lam aṭangin Red Bull hi an tlahniam a, kuminah pawh McLaren hnungah an awm mek; team insiamṭhat an mamawh a, indinthar leh turin hma an la mek a, chumi zingah chuan Horner hna hi a nghawng pakhat a ni.