Forest-ah Edu a kal

Arsenal sporting director hlui Edu chuan Nottingham Forest a zawm, a club tharah hian global head of football dinhmun a chelh dawn a ni - Premier League club tan a thluak a hman chhunzawm dawn.

Forest lamin an sawi dan chuan Edu hi an dah lal dawn hle, football kaihhnawih chi hrang hrang - player lei lah hralh, an chet dan lo zir chian, team ral rel dan leh hma an sawn dan thlengin a enpui dawn a ni.

Kum 47 mi Edu hian player a nih laiin Arsenal tan kum 2001-2005 chhung khan a lo khel tawh a, Premier League nomawi vawi hnih a chawipui. Inkhelh a chawlhsan hnuah club enkawltu lamah ṭang zuiin, kum 2019 khan Technical Director hna a lo chelhsak tawh bawk.

Chumi hnuah kum 2022 November aṭangin Sporting Director a ni a, nikum November thla khan a hna hi a bansan. Tunah chuan beisei phak baka season hmasa hmang ṭhatu Forest tan a theihna a hmang ang.