IPL club hlu ber RCB

9th July, 2025

Khawvel huap investment bank Houlihan Lokey zirchianna aṭanga a lan danin Indian Premier League (IPL) hlutna chu 12.9% in a pung a, IPL hnuhnung ber champion Royal Challengers Bengaluru chu hlu ber a ni.

BCCI hian kumin inelnaah sponsor a hmuh belh nasa a, My11Circle, Angel One, RuPay leh CEAT aṭangin cheng vaibelchhe 1,485 ($173 mtd) an hmuh belh. Sponsor-tu lian ber Tata Group pawhin kum 2028 thleng contract pawtseiin an contract hlut zawng hi cheng vaibelchhe 2,500 a ni.

Virat Kohli telna Royal Challengers Bengaluru-in nomawi an chawi a, an hlutna pawh a sang nghal. RCB hi Mumbai Indians leh Chennai Super Kings chungah an awm a, an hlutna hi a mawngphaha awm Lucknow Super Giants aiin a letin a tam zawk.