Haliburton a chawl rei dawn

NBA Finals 2025 match pawimawh lutuk an khelh laia inhliam - Indiana Pacers star Tyrese Haliburton chu a ke artui hliam vangin a chawlh a ngai rei dawn hle, 2025-26 NBA season a khel ve thei dawn lo.

Kum 25 mi Haliburton hi thla hmasa khan Oklahoma City Thunder nen an inkhelh ṭumin a inhliam a, hun pawimawh lai taka a inhliam hian a team pawh a nghawng na hle, chak lo zawkah ṭangin pahnihnaah an lungawi a ngai zui.

An player chungchang sawiin Pacers president Kevin Pritchard chuan, "Hlawhtling takin zai a ni a, mahse inkhel leh tur chuan hun a mamawh rei dawn, kuminah chuan a inkhel thei tawh lo ang, nakkum lam kan beisei," tiin a sawi.

NBA All-Star zinga vawi hnih tel tawh Haliburton hian 24-25 regular season chhung khan match 73 a khel a, chawhrualin match khatah point 18.6 neiin, assist 9.2 a neih bakah rebound vawi 3.5 a la zel bawk a, player langsar bik zingah a tel phak.

Kumin NBA playoff lai khan Haliburton chauh hi ke artui hliam vanga buai a ni lo, Boston Celtics thiampuipa Jayson Tatum leh Milwaukee Bucks' player Damian Lillard te pawh hliam vang hian an lo buai ve bawk a ni.

Tun hmain Kevin Durant pawhin hetiang hliam hi a lo tuar tawh. Golden State Warriors tan 2019 NBA Finals an khelh laiin a hliam a, hun rei tak chhung inkhel thei loin a lo chawlh phah tawh bawk a ni.