Spurs-ah Japanese defender

Tottenham Hotspur chuan Japan defender Kota Takai chu JLeague club Kawasaki Frontale aṭangin pound maktaduai ngain an la lut a, kum 20 mi hian kum nga chhung atan contract a ziak zui.

6ft 4in-a sang Takai hian Japan senior team tan match li a khel hman a, nikum September khan World Cup qualifier-ah China hmachhawnin, Japan tana a match hmasa ber a khel.

Takai hi kum 2024 khan JLeague Best Young Player-ah thlan a ni a, Kawasaki Frontale hi Japanese Super Cup-ah a champion pui. Kum 2023 khan Emperor's Cup-ah nomawi a chawi bawk.

Spurs-in tun nipuia player an lak pathumna a ni a, Japanese defender hma hian season hmasaa loan-a an hawh, Lens defender Kevin Danso (£21mtd) leh Bayern Munich forward Mathys Tel (£30mtd) te chu a nghetin an la tawh.

London club hian coach Ange Postecoglou an ban hnuah manager thar, Brentford boss hlui Thomas Frank hoin season an hmachhawn dawn a ni.