Magpies-in Elanga ngam huai

Newcastle United chuan Nottingham Forest winger Anthony Elanga chu pound maktaduai 55-in an la lut dawn a, club pahnih an inrem tawh avangin tun karah chuan inla lut fel hman tura beisei an ni.

Magpies hian season tharah Champions League an khel dawn a, an squad inthuam chhah hna an thawk mek. Kum 23 mi Elanga hi sum senga tun nipuia an lakluh hmasak ber tur a ni a, a hmain Spanish winger, kum 18 mi Antonio Cordero chu Malaga aṭangin free transfer-in an la lut tawh.

Kum 23 mi Elanga hian season hman zawh takah Forest tan match 43 khelin goal ruk a khung a, assist 12 a nei bawk - season thara Europa Conference League an khelh theihna turin a thawhhlawk hle.

Forest hian kum 2023 khan Manchester United aṭangin Elanga hi £15mtd-in an la lut a, kum nga atan contract a ziak - Forest a zawm hma hian United tan match 55 a khel hman a, goal li leh assist vawi li a nei hman.