Inter Veng Basketball inelna khel mek

Lesde MBBA Inter Veng Basketball Tournament chu July 3, Ningani aṭangin R. Dengṭhuama Stadium, Mualpuiah khelh ṭan a ni a, first round chauh a la nih avangin entu an la tam tawk lo.

MBBA buatsaih veng leh veng inelnaah hian team 62 an tel a, seeded awm lo mah se team pahnih bye a awm a ṭul. Zuangtui leh Khatla te an vannei a, second round an lut nghal. First round hi July 8, Thawhlehniah khelh zawh a ni ang.

Vawiin hian inelna hi khelh chhunzawm a ni dawn a, Inrinni a nih avangin R. Dengṭhuama Hall-ah entu an tam hret tura ngaih a ni. Team inlan tur zingah team ṭha Ramhlun North leh Khatla South te pawh an tel. Inelna hi Mizoram Basketball YouTube channel-ah a en theih.