Mbappe leh Vini Jr te aia langsar Gonzalo García

Zanin dar 1:30 hian FIFA Club World Cup quarterfinal-ah Real Madrid leh Borussia Dortmund te an inkhel dawn. Xabi Alonso enkawl Real Madrid hi player ṭha rual Vinicius Junior, Kylian Mbappe leh Jude Bellingham te awmna ni mah se tun inelna bikah erawh Gonzalo Garcia a la langsar ber.

Real Madrid academy chhuak Gonzalo Garcia hi Cristiano Ronaldo ngaisangtu a ni a, Juventus an hneh ṭumin goal awmchhun a khung. Kum 21 mi Gonzalo hian Al Hilal leh RB Salzburg lakah goal a khung tawh a, Pachuca nen assist a nei bawk. Match li an khelh tawhah goal-ah a la inrawlh vek tihna a ni.

Real Madrid striker hlui Fernando Morientes chuan, "Gonzalo Garcia hi Club World Cup-a chanchin lian ber zinga mi a ni," tiin a sawi a, Spanish striker hi Madrid-a piang leh seilian a nih bawk avangin Madridista pawhin an ngaina dawn. Chutihrualin Kylian Mbappe leh Vinicius Jr te an awm ve miau avangin khelhna hmun chang zel tur erawh chuan Gonzalo tan chet ṭhat chhunzawm a ṭul ang.