Al Nassr coach thar tur Jorge Jesus

Al Nassr chuan head coach atan Al Hilal manager hlui Jorge Jesus chu an lalut dawn a, inremna an nei vek tawh nia sawi a ni. Saudi Pro League club hian Cristiano Ronaldo chu kum hnih atan contract an ziahpui a, Portuguese forward pawh hian Jesus hi manager atan a pawm niin a sawi a awm bawk.

Kum 70 mi Jorge Jesus hi Portuguese a ni a, Ronaldo nena Sporting CP aṭanga bul ṭan ve ve an ni. Portuguese manager hian Al Hilal chu ṭum hnih a enkawl tawh a, 2023–24 season khan Saudi Pro League leh King Cup-ah a champion pui a ni.

Jesus hian kum 1990 aṭang khan manager hna hi a thawk tawh a, club 15 chuang enkawl tawhin a enkawl tawh zingah hian Al Hilal bakah Braga, Benfica, Sporting Lisbon, Flamengo leh Fenerbahce te a enkawl tawh a ni.