Player 10-a khel Palmeiras an chak

Philadelphia-ah Palmeiras leh Botafogo an inkhel a, FIFA Club World Cup last 16 inkhelah hian hun pangngaiah goal a lut lo. Inrinni zan inkhelah hian Palmeiras-in chance an nei ṭha hret a, extra time minute 100-naah Paulinho hmangin hnehna an chang.

Palmeiras-in nuam sain hnehna an chang lo a, minute 116-naah Gustavo Gómez ṭul lo taka yellow card vawi hnihna a hmuh avangin player 10-in an khelh a ṭul phah. Hun tawp lamah Botafogo-in nawr ve bawk mah se goal erawh hmuh tur a awm lo a, Palmeiras 1-0 in an chak.

Chakna goal khungtu Paulinho hi Bayer Leverkusen tan pawha khel tawh forward a ni a, Brazil tan vawi khat inlan tawhin Tottenham Hotspur leh Barcelona midfielder hlui Paulinho nen ngaih pawlh loh tur a ni.