Durand Cup a buai?

Asia khawmualpuia tournament upa ber, Durand Cup chu July 22 aṭanga khelh ṭan turin ruahmanna siam a ni a, August 24 thleng inelna hi neih a ni ang.

Durand Cup huaihawttu lamin inelna hi Kokrajhar, Kolkata, Imphal, Shillong leh Jamshedpur-ah te neih turin ruahmanna an siam a, an ṭang hle.

Mahse, he thu buatsaih a nih thleng hian Durand Cup khel tur a la chiang lo! Nikum Durand Cup-ah khan ISL club zawng zawng an inlan vek a, mahse, tun season-ah chuan an inlan vek dawn em, a la chiang lo.

Tun hnaiah Kerala Blasters leh Odisha FC chuan Durand Cup an khelh tur thu an tihchian vek hnuah, inlan an tum leh loh thu organiser-te an hrilh tawh a, East Bengal leh Mohun Bagan-in tun thlengin khelh tumna an la nei lo bawk.

Durand Cup hi season dangah chuan ISL lo awm tur atana inbuatsaihna ṭha tak a ni ṭhin a, mahse, ISL club-ten tun season-ah an hma hun a la chian loh em avangin khelh an châk lo ni berin a lang.